წარმატებით დავასრულეთ ინტელის კურსი.მიმოვიხილეთ ერთმანეთის პორტფოლიოები,მოვისმინეთ პრეზენტაციები.გავაკეთეთ შეფასებები.კურსის განმავლობაში ბევრი მნიშვნელოვანი რამ ვისწავლეთ:პროექტების შედგენა,პროექტის პრეზენტაციებზე ვიმუშავეთ,ასევე შევქმენით ბუკლეტები,შეფასების რუბრიკები, აქედან გამომდინარე ძალიან ნაყოფიერი იყო ჩვენი მუშაობა, რასაც აუცილებლად გავითვალისწინებ და გამოვიყენებ საგაკვეთილო პროცესში სწავლის ხარისხის ასამაღლებლად და მოსწავლეთა ინტერესის გასაღვიძებლად.

დღეს ვისწავლეთ თუ რამდენად მნიშვნელოვანია ფასილიტაცია ტექნოლოგიებით,რაც დაგვეხმარება იმაში,რომ მოსწავლეს მივცეთ სწორი მიმართულებები,რათა შეძლოს დამოუკიდებლად შეასრულოს დავალებები,განსაზღვროს საჭიროებები და გამოუმუშავდეს 21საუკუნის უნარჩვევები.

დღეს ვიმუშავეთ პროექტის დაგეგმვაზე და მივხვდით თუ რამდენად მნიშვნელოვანია სწავლების პროცესში მოსწავლეთა საჭიროებების,შესაძლებლობების განსაზღვრა.ასევე  მიმოვიხილეთ შეფასებები,შევქმენით საქაღალდეები.

დღევანდელმა დღემ ძალიან დამაფიქრა,მოვირგეთ მოსწავლის როლი და მივხვდით თუ რა სიღრმისეულად უწევს მოსწავლეს საკითხის შესწავლა.დაფიქრება,შეფასება,ანალიზი  პროექტების შედგენისას.ასევე ცხადი გახდა ისიც, თუ რა როლს თამაშობს მოსწავლეთა მოტივაციის ამაღლებაზე სწორად,მიზნობრივად,რეალისტურად შერჩეული დავალება,რაც აუცილებელი და გასათვალისწინებელია საგაკვეთილო პროცესში სწავლის ხარისხის ასამაღლებლად.

საინტერესო და ნაყოფიერი დღე იყო გავეცანით პროექტთან დაკავშირებულ საკითხებს,კერძოდ, ზოგად, თემატურ და შინაარსობრივ კითხვებს,ასევე გავეცანით დროში გაწერილი შეფასების ხუთ მახასიათებელს,რითაც გავიგე, რომ პროექტის მსვლელობისას უწყვეტი შეფასებაა მეტად მნიშვნელოვანი.

დღევანდელმა დღემ დამარწმუნა რომ შეუძლებელი არაფერია,ვიმუშავეთ პროექტებზე,ბუკლეტების და გაზეთების მომზადებაზე,ასევე ბლოგების შექმნაზე,რაც მნიშვნელოვანი და აუცილებელია საგაკვეთილო პროცესში მოსწავლეთა აქტიურობისა და მოტივაციის ასამაღლებლად.ინტერესის გასაღვიძებლად.